Gästebuch

So a "schräge Heimatbühne"! Alloa de is scho sehenswert. Und olle andern liebenswertn, kloana Details. Um a boa zum nenna: der Dampf der aufsteigt, bevor de brennende Moni unterm Wirtsstubnbodn viarakimd; de unglaublichn Szenen, de ohne Worte, aba mit passender Musi so vui aussong; de in der Halbdunkelheit hochaktive Schmugglerbande, samt echter Wuidererbeute, de ausm Korb spitzt; ... Sakrisch guad gmacht. An recht scheena Dank an de ganze Mannschaft (samt de flottn Wiaschdlverkäufer) für den sehr scheena, vollblütigen (manchmeu sogar mit "u"), theatralischen Abend. Mia keman gern wieda, a wenn ma üwa de Landkreisgrenz hinweg o'reisn miassn! PS: Eigentlich woid ma no de Oma vor ihrem Namensdog bindn - hama im ersten Akt vorghabt. Aba nochdems im Zwoatn so gfährlich handgreiflich woan is, hama uns dann doch nimma draut. Und Tom, dei Schmugglerkuttn hod uns a bissal wehmütig an de Krippnspuiära erinnert - wia ma no jung warn. 😉